Nongstoiñ, Naitung, 3: Ki nongïalam ka FKJGP Nongstoiñ Circle ki la ïakynduh ïa u Sub Divisional Officers PWD halor ka jingsniew palat ka surok na Nongstoiñ sha Kynroh kaba la buh jingeh palat ïa ka leit ka wan jong ki paidbah katei ka thaiñ. Na ka liang ka seng ka la kyntu ïa u SDO ban phah maramot noh ha katei ka company shna surok, kaba dang ïai trei mynta ïa kitei ki jaka kiba la long palat ka jingsniew, ban lait na ki jingeh khamtam ïa ki kali kit nongpang ne ki kali kamai kiba dei ïaid na katei ka jaka.
Ka seng ka kyntu jur lyngba u SDO PWD, ban ïa kren noh bad ka company shna surok, ban phah maramot noh shwa ban jia kino kino ki jingsngewsih ïa ki briew kiba dei na katei ka jaka.
