Kyntiait ki nongkyrshan u bah Justine kiba na Wapungskur ïa ka jing ong ban kyrshan ïa u bah Kyrmen Shylla

Khliehriat Nailur 21: Ki nongkyrshan kiba ju kyrshan ïa u bah Justin Dkhar, uba dei u MLA ba rim jong ka 6- Khliehriat Constituency kiba na ka shnong Wapungskur, ki pynpaw ka jingsngew diaw halor ka jing ong jong u bah Justine Dkhar ha ka jingialang ba la pynlong myn ha ka 9 tarik u nailur ha East Side Inn, ba u la ong ba baroh ki nongkyrshan kiba ju kyrshan ïa u mynta ki la kyrshan ïa u bah Kyrmen Shylla, u kyrtong ka UDP ha kane ka election ka ban wan.
Kitei ki nongkyrshan kiba na Wapungskur, ki pynpaw ba kim lah satia ban pdiang ïa katei ka jingong u bah Justine Dkhar bad pynpaw ruh ba ïa mynta hi kim pat shim ïa kano kano ka rai bad kim pat lah ban batai ïa kano ka party ba kin kyrshan.