Shillong, Jylliew 17 : Ka All India Trinamool Congress (AITC) ka kynnoh ba ka sorkar MDA ka khlem shim khia ban ïarap ïa ki lanot shlei um wat la ka jingshah ktah bad shah pynjulor ka long kaba jur bha ha kine ki lai sngi jong ka jingther jong u lapbah.
Ka jingjulor jong ki surok ka la jur bha hynrei ka sorkar kam shym long kaba la pynkhreh ban ïarap bad ïada ïa ki paidbah wat la kane ka jingshlei um ka jia man la u snem ruh, ong ka AITC.
Ka la pynpaw ba tang ha Mawphlang saw ngut ki brew ki la iap bad kumjuh ka la jia sha ri lum Garo ruh. Ki surok ki la julor bad sahkut ka leit ka wan. Ki jaka ba shah ktah kum ha South Tura ka Aknonggre, Gadarugre bad Daddenggre na ka jingther u lap bah hynrei ki briew kim don jaka ban phet rieh namar wat ki skul ruh ki la ngam shapoh um. “ Kane ka sorkar MDA kam shym la shim khia ban pynbiang ïa ki jingdonkam ba kyrkieh jong ki paidbah bad na kata ka daw ka TMC kam banse ban leit ïarap ïaki paidbah. ha Lukiachar bad Merengipara ka seng ka la ïarap ban pynbiang umdih, khaw bad biscuit ïa ki lanot. Ha Mahendraganj ka MLA Dikkanchi D Shira ka la pynbiang ïa ki mar bam bad ïa ki jaiñ ki nep sha kito kiba shah ktah na ka jingshlei um pynkut ka kyrwoh na ka AITC.
