Jowai, Ïaïong 14: Shi bynta ban kynmaw burom ïa ki pulit pynlip ding, na ka liang ka Fire and Emergency Service Station of Jowai, Saphai, Amlarem bad Dawki kila rakhe ïa kane ka sngi kyrpang mynta ka sngi 14 tarik u Ïaïong, 2025 ïa kaba la tip kum ka National Fire Sevice Day, halor ka phang kaba ong “Unite to Ignite & Fire Safety India”.
Ha kane ka sngi la sdang ïa ka prokram da ka jingsngap jar ba shipor, kum ka dak ban burom ïa ki pulit pynlip ding kiba la aiti ïala ka jingim ha ka por ba treikam (duty).
Hapoh kitei ki Station kiba kynthup ha Dawki la lamkhmat ban leh burom da u bah Sabius Dhar, ha Saphai da u bah Risalan Rymbai, ha Amlarem da u bah Robert Rymbui bad ha Jowai Station da u ophisar bah Anthony Rymbai.
Hadien kane la pynlong ïa ki prokram ai jinghikai bapher bapher halor kumno ban ai jingïada ha ka por ba pluh ding.
