Kynmaw burom ka HBDRF ïa ki 5 ngut kiba shah siat ïap ha Mukroh, dawa ban pynïoh ïa ka hok
Jowai, Naiwieng 24 : Ka seng Hynñiewtrep Border Dispute Redressal Forum (HBDRF), ha kane ka 22 tarik u Naiwieng, 2025 ka la pynlong ka jingkynmaw burom ïa ki san ngut ki lanot kiba la shah siat iap ha ki Forest Guards bad Pulit Assam kaba la jia ha ka 22/11/2022 ha shnong Mukroh, West Jaiñtia Hills District.
U Chairman ka Forum u ma Chandame Sungoh ula ong ngi “Dap da ka jingsngewdiaw mynsiem ban kynmaw ba ha ka step phyrngap jong ka 22/11/2022 ki san ngut ki rangbah na ka shnong Mukroh kiba kynthup ïa u (L) Thal Shadap, u (L) Chirup Sumer, u (L) Tal Nartiang, u (L) Si Dhar bad u (L) Six Talang kila kyllon ïap ha ki kuli suloi jong ki Assam Forest Guards bad ki Pulit Assam”.
Na ka liang ka Forum kala shim ïa ka rai ban ïai buddien lang ryngkat bad ki nongshong shnong ka Mukroh ha ka jingïadei bad kane ka jingjia, na ka bynta ban dawa ïa ka jingbishar kaba hok, halor kane ka jingshah siat ïap kitei ki rangbah.
Ka Forum ka la rai ruh ban buddien ïa ki jingthoh kiba la dep ai bad ki jingialang kiba la dep ban ïashong bad ka sorkar jylla. Kum ban shu pynkynmaw ba ha ka 13/11/2025 ka Forum kala leit ban ai ïa ka shithi pynkynmaw (remainder) sha u Chief Minister ka jylla u Conrad Sangma ban ïoh ïa ki jubad kiba ka Forum kala dep ban ïashong jingïalang bad ka sorkar, ha kaba la ai por shitaïew ïa ka sorkar ban ai ïa ka jubab, lymda kumta kan sa shim da kiwei pat ki lynti.
Ka Forum ka la pynpaw ka jingsngewnguh ïa ka Jaiñtia Hills Autonomous District Council (JHADC) kaba la ïakren halor ka jingkyntur pud jong ki Karbi ha ka Shnong Lapangap. Ka la ai khublei ruh ïa ki MDC liang pyrshah kiba la wan rah ïa ka Motion bad kumjuh ïa u CEM u ba la lah ban ai ïa ka jubab.
Ka Forum ka kyrshan ïa ka Council na ka bynta ban Rivise ne ban leit jngoh ïa u pud u ang ka Council ha ka jingïadei bad ki jaka kiba ju klun jubor da ka Karbi Anglong, Assam.
Ka Forum ka la rai ban pynlong biang ïa ka jingialang noh mar mar ïa ka jingïalang jong ka na ka bynta ban pyrkhat ïa ki kam kiba dei ban leh kloi nangne sha khmat. Ong u ma Chandame Sungoh, Chairman ka Forum.