New Delhi, Naiwieng 01: U hep rit u ba la tip kyrteng da u Anish Sarkar, u la kylla long u nongïalehkai Chess ba khynnah tam ha ka kyrdan jong ka FIDE, hadien ka Elo rating haduh 1555 ha ka sngi Thohdieng.
Tang ha ka rta kaba lai snem, phra bnai bad 19 sngi, u la ïoh ïa ka nam kum u nongïalehkai chess ba khynnah tam ba la pynkup da ka FIDE. U Anish, u la mih madan nyngkong ha ka 1st All Bengal Rapid Rating Open 2024, ha kaba u la kamai 5 poin na ki 11 sien ïalehkai.
Hadien katto katne taïew, u Anish u la ïoh ïa ka lad ban ïalehkai pyrshah ïa u Grandmaster Arjun Erigaisi, u rangïalehkai ba pawnam jong ka India bad uba don ha ka kyrdan ba 4 ha ka pyrthei, ha ka jingïalehkai kaba stet bha.
Watla u khlem shym la ïohrung, ha ki minit ba khadduh ba la plie la shah ïa u ban shimbynta kum u nongbujli lane substitute. Kane ka bok ka la buh ïa u Anish ha rynsan ïalehkai, kaba pynpaw ïa ka jingthrang bad ka sap kaba u don ban poi sha ki kyrdan ba kham shakhmat.
