Nongpoh, Rymphang 20: Uwei u Dribar ka Trok Tanker u la mynsaw jur, kaba dei hadien ba mynta ka sngi ka Trok Tanker kaba u niah ka la kylla ha 10mer, Jorbat ba ha ha ka surok National Highway-2, ka surok khappud ka Assam bad Meghalaya ha Ri Bhoi District.
Kane ka trok kaba la kylla ka don ïa u number NL 01 AF – 3480 ka wan na ka thain Jorobat ban leit sha Guwhati bad hadien ba la poi ha katei ka jaka ha 10mer ka kylla noh ha ka surokbah, kaba mar pyrshah bad ka NRL Petrol Pump.
Ïa une u Dribar ba ym pat ioh lum kyrteng, la pynkit noh mar mar sha Sonapur District Hospital, kaba dei hadien ka jingmynsaw na ka jingkylla katei ka trok kaba u la niah.
Na ka liang ki bor pulit ka Assam na Jorobat, ki la shim khia ban pynlong ïa ka jingtohkit bad ruh ban pynlait na ka jingdheng kali ba la sahkut da ki kynta, kaba la pynthud ïa ka leit ka wan ki kali paidbah, kaba dei hadien ka jingkylla kane ka Trok tanker ha ka surokbah ba leit ba wan ki Kali paidbah.
