Nongpoh, Nailar 28: Kawei ka trok container kaba kit siej kala kylla lyndang syndon hapdeng surok bah National Highway 6 ha Umling hadien ba u nongñiah um lah shuh ban tehlakam ïaka kali nakadaw ka jingbym treikam shuh u brake.
Kane ka jingjia kala jia hynnin ka miet haka por kumba 11 baje eiei ha kaba katei ka trok kaba don ïa u number HR 55 AC 5521 ka dang mih na Umran ban leit sha Guwahati, hynrei mar sien poi ha katei ka jaka katei ka trok kala kylla lyndang haduh u nongñiah bad u nongbud kila mynsaw.
Ki pulit ka Nongpoh tang hadien katei ka jingjia kila leit mar mar sha katei ka jaka ban pynlong ka jingtohkit bad pynkit noh ïa u nongñiah bala tip kyrteng kum u Noren Malik bad u nongbud bala tip kyrteng kum u Malik Kaif kiba dei na Uttar Pradesh sha Nongpoh Civil Hospital naka bynta ka jingsumar bad naka liang ki pulit ki dang pynlong ka jingtohkit halor katei ka jingjia.
