Nongpoh, Jymmang 19: Kawei ka trok kaba dang hiar sha ki thaiñ Guwahati kaba don ïa u number WB 37 H 9477 kala leit ban tynrah nadien jong kawei pat ka trok kaba don ïa u number AS 25 1455 kaba dang ieng haduh ba katei ka trok ba shah tynrah ka kylla syndon sharud surokbah National Highway-6 kaba hap haka shnong 15 mer Ri Bhoi District.
Katkum ka jingtip bala ïoh lum la ong ba kane ka jingjia kala jia haka por 10 baje eiei haka miet sngi sngi saitjaiñ ha kaba la suba ruh ba u nongñiah katei ka trok kaba dang hiar um lah shuh ban the lakam ïaka kali namar ka jingpynsted haduh ba un da leit ban tynrah syndon nadien jong kawei pat ka trok kaba la julor
La ong ruh ba u nongñiah jong katei ka trok ba leit tynrah nadien, u la phet krad noh ïalade na katei ka jaka hadien katei ka jingjia katba u nongñiah katei ka trok ba shah tynrah pat u la sahkut hapoh trok ha kaba hadien katto katne por da ka jingïarap ki bor pulit la lah ban sei noh ïa u shabar.
Shuh shuh hadien ba la sei ïa utei u nongñiah ba sahkut shapoh, la pynkit noh mar mar sha PHC Byrnihat ban shah sumar namar ka jingmynsaw, bad na ka liang ki pulit ki dang pynlong ïa ka jingtohkit halor kane ka jingjia.
