Shillong, Risaw 06: Ka Synjuk ki Rangbah Shnong (SRS) ka Umrang Area, ba kynthup ïa 10 tylli ki Shnong ha Ri-Bhoi District, ki la kyrpad ïa u Myntri Rangbah Conrad K Sangma ba un ai por ban ïakynduh na ka bynta ban ïakren ïa ki kam kiba ktah ïa ka thaiñ.
Ha ka shithi ba la aiti ha ka sngi Nyngkong, u General Secretary ka SRS Bistocan Timung ula kyrpad ban ai ïa ka por ïakynduh bad u Myntri Rangbah ha ka 15 tarik Risaw, 2025.
“Ka jingthmu jong ka jingïakynduh ka long ban ïakren ïa ki jingeh ba ïakynduh ha ka thaiñ jong ngi, khamtam ka jingdonkam kyrkieh ban tei ïa ka ïingskul ha Umrang Nongbah Secondary School, Umrang Nongbah, Ri-Bhoi District,” ula ïathuh.
“Ka SRS ka kwah ruh ban ai ïa ka jingthoh aplikeshon sha ka North Eastern Council (NEC), Ministry of DONER, ban tei ïa ka ïingskul ba thymmai, bad ngi pan ïa ka jingbtin lynti bad kyrshan lem halor kane ka kam,” ula ong.
