Shillong, K’ lyngkot 09: Ka North Eastern Council ka la bei pisa T.1.43 /- tyngka ban shna ïa ka Model Handloom Production Centre ha shnong Marngar, ha Ri Bhoi District ha kane ka jylla Meghalaya lyngba ka tnad karkhana.
Kane ka jaka thaiñ jaiñ ka long ban pynneh pynsah ïa ka jingthaiñ jaiñ tynrai bad ban pynbha na kaei kaba la don baroh shi katta na ka bynta kito kiba don ha katei ka thaiñ bad kyrpang eh na ka bynta ki kynthei kiba trei ïa kane ka kam.
Kane ka long ban wanrah ïa ka jingpynkylla ha kiba bun rukom kumno ban thaiñ ïa ki jaiñ bad ha ka juh ka por kane ka jingthaiñ jan kan ai jingmyntoi ha ka ïoh ka kot bad ban pynneh pynsah kyrpang ïa ka jinglong tynrai.
Na ka liang jong ka NEC ka la kren shai ba kane ka jaka thaiñ jaiñ ka long ban kyntiew ïa ka rukom pynïaid ïew bad ïa kane ka jingtrei ïa kane ka jaka thaiñ jaiñ la pyndep da kiba pyntrei ha u bnai Nohprah 2025.