Shillong Naitung 29: Ka Garo Hills Research Centre and Records Foundation (GHRCRF) hadien ba ka la pynlong ïa ka general meeting ha Tura ka la pynpaw ba ka kwah ba ka pule puthi kan kiew, nangta ka ïoh ka kot bad ki lad kamai ha ka jylla kin kiew.
Ha ka jingïalang ka GHRCRF ka la aiti ïa ka dorkhas kaba banjur ïa ka jingdonkam ban ïada ïa ka sawdong sawkun, ban kyntiew ïa ka Pule Puthi bad ban pynbha ïa ka ïoh ka kot ha Meghalaya.
Ka la ong ba ka thong ba hakhmat eh jong ka seng ka long ban kyntiew ïa ka Pule Puthi ha ki thaiñ nongkyndong ka Meghalaya bad ban pynïoh ka jingnang jingtip shaphang ki hok bad ki kamram.
Hadien ka jingïakren kaba Sani bha la thung ïa u Saint Besterfill A Sangma kum u CEO, da kaba ithuh ïa ki jingpule bad ka jinglah ban ïakren bad ban shim rai na ka bynta ka Pule Puthi ha Meghalaya.
