Kut noh ka prokram ai jinghikai ba hynriew sngi ka Meghalaya Cricket Association ïa ki Umpire

Shillong, Jylliew 29 : Ka Meghalaya Cricket Association (MCA) ha ka 29 tarik Jylliew 2022 ka la pynkut noh ïa ka prokram ai jinghikai ïa ka Level O na bynta ki umpire. Ïa kane ka prokram kaba la pynlong ha Polo kaba la sdang naduh ka 25 tarik Jylliew la wan ban ïashim bynta da 49 ngut ki umpire na ki 11 tylli ki District kiba la pynïasoh ïalade bad ka MCA.
Ka jingpynlong ïa katei ka prokram ka long ruh shi bynta ban pynkhlaiñ bad ban ai mynsiem na bynta ka jingkiew ka jingïalehkai cricket hapoh ka jylla.
La ai jinghikai na bynta katei ka lynnong jong ka kyrdan O da u Satrajit Lahiri uba dei u umpire jong ka BCCI bad Susanta Pathak ba la shongthait noh.