Nongstoiñ, Jymmang 08: Ka FKJGP Kyrdum Mawsikar Umbyrsit unit ha ka sngi saitjaiñ, ka la pynhap pyrda noh ïa ka FKJGP 1st Invitation Football Knockout Tournament 2022 kaba la long ha madan Umwahlang West Khasi Hills District.
Ha ka final ka Balabet FC kaba na Langpih ka la ïakhun pyrshah ïa ka Mawthawprah FC, ha kaba ka Balabet FC ka la jop da 2 la 0. Ïa ka nam top scorer la ïoh da u Ephraim Banda na ka Mawthawkrah FC, best player sha u Mamnestar Synshiang na ka Balabet FC bad best goalkeeper sha u Rockchestar Kharsyiemlieh.
Ha kane ka sngi la donlang u sordar ka shnong Umwahlang katba u kongsan dei u Bah Daniel Ramsiej u Assistant Information Secretary FKJGP central body Shillong bad u Bah Chandra Nongdkhar President FKJGP West Khasi Hills District kum u symbud kongsan.
