Shillong, Jylliew 26: Ka jingïakop ñiah kali “MSCM Offroad Trophy 2024” kaba la sdang ha ka 20 tarik ka la jam sha kaba kut noh hynnin ka 22 tarik Jylliew, 2024 ha Kyrdemkulai 6 Kilo, Ri-Bhoi District.
Ki la don haduh 42 ngut, ha kaba 39 ngut ki dei ki shynrang bad lai ngut ki kynthei kiba la wan ïashimbynta ha kane ka jingïakop kaba lai sngi lynter, kynthup ruh ïa ki nongïashimbynta kiba la wan naduh Assam bad ki district napoh jylla kum ka West Khasi Hills, East Khasi Hills, East Jaintia Hills, West Jaintia Hills bad na Ri Bhoi District.
Ha kane ka jingïakop la phiah ha ki lai bynta, kine ki kynthup ïa ka Super stock, Modified bad ka Pro-modified. Bad ïa ka jingïakop la ïoh ban pynlong ha ki jaka ktieh bapher bapher kiba don ha katei ka thaiñ. Ki jaka kiba ki nongïashimbynta ki hap ban ïaid lyngba ki long: Mud Pie, Stream Challenge, Balancing Bridge, Recovery stage, Scramble Pond, Grassland Maze bad Uphill course.
Ha ka Super Stock – u Balajied Dorphang u la khur ïa ka nam “Best Driver” – nangta u Akin Warjri ïa ka“Best Co Driver”. ïa ka Best Team – la khur da u Pulstar Langstieh & Arkin Warjri.
Ha ka Semi Modified -ïa ka “Best Team – la khur da u Raparwell & Mankupar, nangta u Arbadson Lyngdoh u la ïoh ïa ka Best Co Driver, katba ka “Best Driver ka la leit sha u Sunny Nongrum.
Ha ka Pro Modified -“Best Co Driver – la khur da u L. Marbaniang, ïa ka “Best Team- la khur da ki shjur ba kynthup Sandy C Marbiang & B.Nongrum (overall). ïa ka Best Driver (in Mud Pie stage)- ka la leit sha u Jeremy F Nongrum.
Ha ka Pro Modified la ïohrah da u Ralph Nongpuir bad Yastarlin Pariong, nangta Larry Mukhim bad Edward Kurbah ha ka kyrdan ba ar – Keron Jyrwa bad Leadon H Marbaniang ha ka kyrdan ba lai.
Ha ka Semi Modified ka nam ba nyngkong ka leit sha Sunny Nongrum bad Joshua Khongjee, Lickstar Marbaniang bad Andrew Khongjee ha ka kyrdan ba ar, nangta Albinus Laskar bad M Kurbah ha ka kyrdan ba lai. ïa ka Super Stock la ïohrah da u Balajied Dorphang bad Lamlin Wanniang, Kitbok Kyndiah bad Balajied Dorphang kyrdan ba ar, nangta Pulstar Langstieh & Arkin Warjri ha ka kyrdan ba lai.
Haba phai sha ka Modified jong ki kynthei ka Philita Syiem ka la wan ba nyngkong, ka Ucylica Nongneng ha ka kyrdan ba ar bad ka Lakyntiew Paliar ha ka kyrdan ba lai.
