Kut ka Session jong ka iing dorbar thaw aiñ Parliament
![](https://mawphor.com/wp-content/uploads/2023/09/Parliament.jpg)
Shillong, Naitung 06: Hadien ki elekshon sha ka iingdorbar thaw aiñ Lok Sabha kaba 18, ka dorbar ba nyngkong jong ka Lok Sabha bad ka dorbar kaba 264 jong ka Rajya Sabha ka la sdang naduh ka 24 bad 27 tarik Jylliew. La pynkut ïa kane ka dorbar jong ka Lok Sabha hynnin ka sngi, ka 2 tarik Naitung, 2024 katba ka dorbar jong ka Rajya Sabha ka la kut mynta ka sngi, ka 3 tarik Naitung, 2024.
Ha ka jingai jingkren sha ki lad pathai khubor ha New Delhi mynta ka sngi, u Myntri Sorkar Pdeng ba dei khmih ïa ka Tnat Parlïamentary Affairs Kiren Rijiju u la ai jingtip shaphang ki kam ha kane ka dorbar jong ka Parlïament. Ki arsngi ba nyngkong ha Lok Sabha kilong tang ka jingbam smai ki dkhot ba shah jied thymmai sha ka iing dorbar thawain Lok Sabha kaba 18. Ha ka dorbar ki don baroh 539 na ka 542 ngut ki dkhot ba la bam smai.
Ban pynïaid ryntih ïa ka jingbam smai, ka President jong ka ri ka la thung ïa u BhartruhariMehtab kum u Shongknor ba shipor hapoh ka Article 95(1) jong ka Riti Synshar bad u Suresh Kodikunnil, u Radha Mohan Singh, Faggan Singh Kulaste, T. R. Baalu bad u Sudip Bandyopadhyay, ki briew kiba ki dkhot ki lah ban ai ka jingbam smai hapoh ka Article 99 jong ka Riti Synshar.
Ha ka 26 tarik Jylliew, 2024 la pynlong ïa ka jingjied ïa u Shongknor, Lok Sabha bad u Om Birla, Dkhot jong ka Lok Sabha u la shah jied kum u Shongknor lyngba ka voice vote. Ha kajuh ka sngi, u Myntri Rangbah duh, Narendra Modi u la pynithuh ïa ka kynhun jong ki Myntri jong u sha ka iing dorbar thawain Lok Sabha.
Ha ka 27 tarik Jylliew, 2024 ka President ka la ai jingkren ha baroh artylli ki iing dorbar thawain jong ka Parlïament ki la ïalumlang hapoh ka Article 87 jong ka RitiSynshar da kaba ai jingtip ïa ki jingjop jong ka sorkar ha ki por ba ladep bad ai jingtip ruh shaphang ka jingpynkhreh ïa ka roi ka par ban wan jong ka ri.
Ha ka 27 tarik Jylliew, 2024, u Myntri Rangbah duh u la pynithuh ïa ka Kynhun Myntri jong u sha ka iing dorbar thawain Rajya Sabha.
Ka jingïakren halor ka Motion of Thanks ha ka jingai jingkren jong ka President ka la long ha ka 28 tarik Jylliew, 2024 ha baroh artylli ki iing dorbar thawain.
Ha iing dorbar thaw aiñ Lok Sabha, namar ka jingdon ki jingpynthut, la lah ban sdang ïa ka jingïatainïa halor ka phang tang ha ka 1 tarik Naitung, 2024.