Khliehriat jylliew 24: Ki shipai Border Security Force, kiba ju pahara ha ki thaiñ khappud, ha East bad West Jaiñtia Hills District, myn ha ki khyndiat sngi ba la leit ki la ioh ban kurup noh haduh hynriew phew tylli ki masi kiba la thmu ban shalan tuh ne shalan beaiñ sha ri Bangladesh bad ki nongñiah trok kiba kit ïa kitei ki masi ki la ïoh ban phet krad na kti jong ki shipai pahara.
La ong shuh shuh ruh ba ki nongkhaiï masi kiba khaiï beaiñ, ki la shim kabu ïa ka jingther jur u slap ha kaba ïa ki masi ki la pynïaid na ki lynti khlaw kiba don ha ki khappud jong ka ri Bangladesh ha kaba na ka liang ki shipai BSF ruh ki la pynap ktem bad khang kdong haduh ba kin da ioh ban kem noh ïa kitei ki masi namar ba ki shipai ruh ki la long peitngor shuh shuh ban shim khia ha ka por ba ther jur u slap.
La ong ba ym tang ïa ki masi lane kino kino ki kam beaiñ, ki shipai pahara ha khappud, ki shim khia bad long peitngor ruh ban ïada ïa ka ri ban lait na ki jingsniew bad jingshah thombor bad kumjuh ruh ban lait na kiba bun ki kam sniew.
