Shillong, Nailar 20 : Ki Pulit ka West Garo Hills, ki la ïoh ban kem ïa uwei u nongkhaïi droks ha ka sngi Saitjain bad ïoh ban kurup ïa u drok (heroin) ba shongdor haduh T. 2 klur na ka met jong u.ïa une u drok la thep ha ki 24 tylli ki synduk sabon.
Haba pyntip ïa kane ka khubor lyngba ka social media u Myntri Rangbah ka Jylla u Conrad K Sangma ula ong “Ki Pulit ka Meghalaya ki la pynpulom sa ïa kawei ka jingpyrshang jong ki mafia drok ban pynjot ïa ka jingim ki samla jong ngi! Ha ka jingkhynra kaba sted, ki pulit ki la ïoh kem ïa uwei u nongkhaïi droks ba nabar Jylla bad ïoh kurup ïa u drok heroin ba shongdor T. 2 klur”.
Ka jingkhynra pyrshah ïa u droks ka dang ïai bteng kum ka jingïaleh ba hakhmat eh jong ka Tnad Pulit.
