Shillong, ïaïong, 13: Ki Pulit jong ka East Jaiñtia Hills District ha ka step sngi U Blei ha ka jingpynap shrip ha surok National Highway-6 ha ka shnong Nongsning ki la ïoh ban kurup kumba 10 kilo u Ganja na uwei u nongñiah thuk thuk uba la tip kyrteng kum u Bishal Riang, 23 snem ka rta na ka shnong Paloipunji TE, Cachar District, Assam.
Ka thuk thuk kaba u Bishal Riang u la ñiah ka dei kaba don u registration number AS11 X 2819.
Ki Pulit kiba la talasi ïa ki kali bad ïa ki thuk thuk ar shaka kiba la suba ha ka jingtalasi ïa ka pla kaba u kit ha ka met ki la lap 10 tylli ki song ba la thep ïa u Ganja uba khia kumba 10 kilo. ïa u Ganja bad ïa ka thuk thuk la kurup noh da ki Pulit.
Halor kane, ki Pulit ki la ujor da ka ejahar bad register case pyrsah ïa u Bishal Riang bad pynngat ïa u hapoh ki kyndon jong ka NDPS Act bad ka jingtohkit ka dang ïaid shakhmat.
