Shillong, Risaw 14: Ka kyrwoh khubor na ki shipai BSF ka Meghalaya, ki la ïoh ban pynpulom noh ïa ka kam khaiï tuh sha Bangladesh bad ïoh kurup ïa bun bah ki tiar injek dawai ne ki IV cannula sets kiba shongdor haduh T. 1 klur. La ong ba katkum ka jingiathuh ki BSF, ki shipai ka 172 Bn, kila ïoh ban kurup ïa kine ki dawai ha ka Sngi U Blei na khappud ka East Jaiñtia Hills District bad ka Bangladesh.
Halor ki jingtip ba la ïoh ban pynthikna, ki shipai kila pynlong ïa ka jingkhynra kaba kyrpang hajan ki jaka khappud ka Dona, East Jaiñtia Hills bad ki la ïoh kurup ïa kine ki mar ba thmu khaïi tuh sha Bangladesh.
Ïa kine ki dawai la aiti noh noh sha ka Ophis ka Custom ha Badarpur ba kan leh ïa kaba donkam.
