Shillong. Risaw 03: Ki Shipai BSF jong ka ri India hynnin ka sngi, ki la pynpulom ïa ka jingthmu ban shalan ruh ïa ki mar, kiba kynthup ïa ki jingtah pynbha briew bad ki jaiñ kiba shong dor kumba 15 lak tyngka.
Ka khubor na ki BSF ka ong ba ki BSF kiba ap pahara ha khappud jong ka thaiñ India bad Bangladesh ha ki bynta jongka thaiñ Riwar Pynursla, haba ki la ïohi ïa ki briew ba ki mutban kam sha shiliang khappud, ki la beh thong ïa ki. Kine ki briew ruh haba ki la ïohi ïa ki BSF ki la iehnoh ïa ki tiar ha shiteng lynti ban phet krad noh ïalade.
Ki BSF ki ïathuh ba ïa kine ki tiar la aiti noh sha ki Custom ha Pynursla.
