Shillong, Naitung, 31: Ki shipai Border Security Force (BSF) ka 100 Battalion ha ka sngi Balang ki la ïoh kurup 69 tylli ki masi ba la shu thynñian ha ki saw tylli ki kali Bolero Pick-up ba la thmu ban khaii beaiñ lyngba ka khappud Dalu, West Garo Hills District, Meghalaya sha ka ri Bangladesh.
Ha kaba ïadei bad kane ka jingjia, hynriew ngut ki snar nongkhaii tuh kiba dei ki nong India ki la shah kem ha ki shipai BSF.
Ïa ki masi, ki kali bad ïa ki hynriew ngut kiba la shah kem la aiti noh sha ki Pulit ka Dalu ban leh ïa kaba donkam katkum ki kyndon jong ka aiñ.
