Nongpoh, Risaw 05: Ki pulit ka Ri Bhoi District, hadien ka jingioh jingtip ba thik na halor ka jingthmu shalan ia u drok lyngba kawei ka bus night super, mynta ka janmiet ki la pynapshrip bad pynlong ia ka jingtalasi ia ki kali hapoh ka thaiñ Nongpoh bad hadien la ioh ban bat ïa kawei ka bus Night Super kabadon ïa u number AS 24 AC 1152 kaba dang wan na Silchar ban leit sha Guwahati bad kurup ruh kumba 921 grams u drok heroin bala thep haki 30 tylli ki synduk sabon.
Ha katei ka jingioh kurup ïa utei u drok naka bus ki pulit ki la kem ruh ïa 3 ngut ki briew kynthup ïa u nongñiah bad nongbud jong kane ka bus na ka bynta ka jingtohkit katkum ka NDPS Act.
