Shillong, Jymmang 1 : Ki pulit ka nongbah Guwahati mynta ka sngi ki la ïoh ban kurup haduh 765 grams u drok ba shong dor 6 klur tyngka ha ki ïew bar ri bad la ïoh ban kem ïa saw ngut ki briew kiba don kti. Na kine ba la shah kem lai ngut ki dei na Meghalaya bad uwei na Assam.
Kine ki saw ngut kiba la ïoh kem ki long u Kelvin Klein, Mankhro Ronghang, Manik Engti kiba dei na Nongpoh bad u Dhrubajyoti Bora na Nagoan, Assam.
Hadien ba ki pulit ki la ïoh jingtip kaba thikna bha halor kane ka jingkit ïa une u drok, ki la pynlong ka jingap ktem hajan SIRD Khanapara bad ki la ïoh ban bat ïa ka kali ML 05 C 6411 bad haba la talasi ki la ïoh ban kurup haduh 60 song u drok (heroin) ba khia baroh 765 gram” ïathuh ka Dimple Goyari, kaba dei ka OC jongka Basistha Police Station.
Kane ka OC ka la ïathuh ba la suba jur ïa une u drok la wan kit na Manipur lyngba ka Khatkhati Check Gate ha Karbi Anglong bad la suba ba ki mut ban leit aiti ha ki briew ha nongbah Guwahati.
