Kup ka Lapynshai Marak bad u Rohan Pradhan ïa ka pansngiat Miss bad Mr Cherry Blossom 2025

Shillong, Naiwieng 17: Ha ka tamasa Cherry Blossom Festival 2025 la sakhi ïa ka jingdon jong ka jingsei ïa ki sap bad ki jingstad, ka jingpynitynnad naba ka Lapynshai Marak ka la kup ïa ka pansngiat Miss Cherry Blossom 2025, katba u Rohan Pradhan u la long u lahduh ha ka Mr Cherry Blossom 2025.
Ha ka Miss category, ka Catherine Defini Diengdoh ka la poi ha ka kyrdan 1st Runner-up, da ka Na-i-Staphi Nola Lyngdoh ka la poi ha ka 2nd Runner-up. Ha ka kyrdan Mr category, u Joel Desmond Nongrum u la shah pynbna bad ïoh ïa ka 1st Runner-up, ba la pynbud da Abiezer Dan kum u 2nd Runner-up.
Ïa kane ka jingïakob (pageant), la pynlong da ka Miss Meghalaya Organisation, kaba long kawei na ki jingpyninam kaba paw bha ha kane ka tamasa mynta u snem, kaba pyni ruh ïa ka jingshaniah, ka jingdonburom bad ka jingpynpaw jong ki samla ïa la ki sap na kylleng ka jylla.
Ki nongbishar ki kynthup ia Shyamanga Kashyap, Director of Miss Assam bad Talent Scout for Miss India; Akumnaro Imsong, ka Miss Nagaland barim bad Co-Director ka Miss Assam; Aakriti Shen, ka Miss Meghalaya barim bad ka Miss Shillong; bad Deibormi Lyngdoh, model barim bad nongjop ïa ka Mr Fresh Face Meghalaya 2017 bad Shillong Prince 2018.