Kum shi bynta na ka “100 Days TB Campaign” pynlong ka NEIGHIHMS ïa 2 tylli ki jingsumar ei

Shillong, Ïaïong 07: Ka North Eastern Indira Gandhi Regional Institute of Health & Medical Sciences (NEIGRIHMS) ha ka jingïatreilang bad ka Meghalaya State TB Control Society, ka la lah ban pynlong 2 tylli ki jingsumar ei kum shi bynta jong ka “100 Days TB Campaign” kumba la bthah da ka sorkar jylla.
La ong ba ïa ki Campaign la pynlong ha ka 4 tarik u Ïaïong bad 6 tarik Ïaïong ha Nongmensong bad Mawryngkneng kum shi bynta ban ïakhun pyrshah ïa ka jingpang TB lyngba ka jingïatreilang bad ki paidbah nongshong shnong.
Ha kine ki jingai sumar ei, la peit bniah ïa ki 116 ngut ki briew, ha kaba la ïathuh ba la lap 17 ngut kiba don jingpang TB, bala lap lyngba ka jingleh X-ray, bad eksamin na shyntur bad la pynthikna ban eksamin kham bha shuh shuh ïa ki jingpang jong ki.
Halor kane na ka liang u Prof Nalin Mehta, Director ka NEIGRIHMS, u la ong, “Ngi ïaroh ïa ki jingpyrshang ba la leh da ka NEIGRIHMS. Kine ki Camp ki pyni ïa ka sienjam kaba kongsan ha ka ‘100 Sngi TB Campaign’, kaba pynpaw ïa ka jingtreikam jong ka jingïatreilang hapdeng ki jaka sumar bad ka tnat koit ka khiah jong ka Jylla,”
U la ong ruh ba ki Camp ki la ai ruh ïa ki jingpeit bniah bad eksamin ïa ka koit ka khiah ba kyllum, kaba la ai jingmyntoi ïa ki 32 ngut ki riew paidbah. Ka jingthmu ka pyni ïa ka jingaiti ban shakri ha ka koit ka khiah na ka bynta ki paidbah, kaba ïaid wat shabar jong ka jingpeit bniah ïa ka jingpang TB.
La ïathuh ruh ba kane ka Campaign ka pyni ïa ka jingïatreilang hapdeng ka NEIGRIHMS bad ka Meghalaya State TB Control Society, ryngkat kiba don ka jingsngewkhia ha ka koit ka khiah bad kiwei kiwei kiba ïadei bad ki jingpang bapher bapher.