Kum ka jingñiewtang ïa ka kam ki pulit pynïaid kali synñiang ka Frank Motor da ki sopti kup slap

Shillong, Jylliew 20: Kum ka dak ban ai khublei ïa kam ba krah bad ka jingtrei shitom ki pulit pynïaid kali ha ka Nongbah, ka Frank Motors ha ka sngi ka la ai sngewbha da 300 tylli ki sopti kup slap (Rain-Suits) sha ka tnat Shillong Traffic Police ban ïada ïa ki na u slap ha ka por ba ki trei ïa la ka kam.
“Namar baka aiom lyiur ka la wan, ki Pulit pynïaid kali ruh ki hap ban shah ïa u slap, lyer bad kane ka pynthut ïa ka kamram jong ki Pulit pynïaid kali bad ban pyllait ïa ki naka jingjhieh bad shimtom por ki trei ïa la ka kam, ka Frank Motor ka la ai sngewbha da 300 tylli ki sopti kum slap sha ki pulit kiba la trei shitom ban pynïaid ïa ka kam jong ki,” ong u Bah Indonlang Passah u badei ruh u CEO.
U Bah Indonlang ula ong ba ka kam jong ki Pulit pynïaid kali ka long ka ba eh bha bad dei namar kane donkam ban ai khublei ïa ka jingtrei shitom jong ki.
“Ngi la jied kyrpang daki IGNYTE Rain Coat kiba 10,000 mm bad kine ki Rain Coat ym tang ki ïada na u slap hynrei ki ïada ruh naka lyer khnang ba ki Pulit kin lah ban trei ïa ka kam,” ula ong.
U la iathuh ba kine ki IGNYTE Rain Coat ki don ruh ka jingshai ban ïada ia ki Pulit ha ka por mynmiet
Ia kine ki IGNYTE Rain Coat, la aiti da u CEO ka Frank Yamaha sha u Superintendent of Police u Bah Sylvester Nongtyngnger ha ka jingïadonlang u SP Traffic u Dr. Dara Aswaghosh bad ruh u Deputy SP (Traffic) u bah Mac Joel Marngar.