Shillong, K’Lyngkot 14: Ka jingsangeh trei kam jong palat 7000 hajar ngut ki nongtrei ASHA hapoh ka jylla Meghalaya ban pyrshah ïa ka jingpynslem ban siew ïa ka jingsiew (incentives) kan dang ïai bteng tad haduh ba u Myntri ka koit ka khiah u la kular ban shim khia ïa kane ka bynta.
“Ka don ka jingeh khyndiat namar ba ka pisa ka wan na ka sorkar kmie, ngi dang pynbor ba dei ban pyllait kloi katba lah ïa ka pisa”, la ong u bah Shylla ha ba kren sha ki lad pathaikhubor ha ka sngi Balang.
U myntri u la iakren mynshwa ïa kane ka mat bad u MD ka NHM, uba la pynthikna ïa ki nongtrei ba kin ioh ia ka jingpynbna.”Kam pat poi ha ka jingtip jong nga ba kin dang bteng ïa ka jingsangeh trei kam jong ki, hynrei ngi dang pynbor ban pyllait noh ïa ka pisa”, la bynrap biang u Shylla.
Ki nongtrei ASHA ki la sangeh treikam ha kine ki khyndiat sngi, da kaba dawa ban pyllait noh ïa ki jingsiew kaba dang sahteng.
