Kular u DC bad EE ban ïaleh kloi ban pynïoh bording ïa ka shnong Padubah

Jowai, Naitung 08: Ka Federation of Khasi Jaiñtia & Garo People (FKJGP) War Jaiñtia Circle hapoh ka jingïalam President bah Shlur Mukhim lem bad ki dkhot ka seng hadien ka jingïalang paidbah kaba la dep pynlong ha ka sngi saitjaiñ ha shnong Padubah Amalarem Sub-Division.
Na ka liang ka seng mynta ka sngi ki la leit ïakynduh ïa u Deputy Commissioner ka West Jaiñtia Hills District, Jowai u bah Garod L.N.S.Dykes ha kamra treikam jong u ban pynsngew ha u ïa ka jingduh bording ka shnong Padubah la jan dap 2 bnai pura eiei.
Haba ïakren bad u DC ula kular ban shimkhia mardor ïa kane ka kam hapoh kine ki khyndiat sngi ban wan namar ka la ktah eh haduh katta katta ïa ki paidbah nong pyndonkam bording ha katei ka shnong.
Shuh shuh u la ong ba un thoh sha ka MeECL ban pynïoh bording mardor ïa kane ka shnong, ka Seng ha ka jingïakren bad u ka la byrngem ban shim da kiwei pat ki lad ki lynti lada kane ka kam kam urlong hapoh 1 tïew.
Ha kajuh ka sngi ka seng kala leit ai kopi ruh sha u Executive Engineer MePDCL Jowai Distribution Division u ma M. Rymbai, ha kaba utei u EE ula kular ba shimkhia ban leh ïa kaba donkam ban pynïoh Tranformer, ula kular ruh ban ïakren ïa kane ka kam tang shu leit Shillong hapoh kine ki khyndiat sngi. Ha ka juh ka sngi ka seng ka la leit ïa kynduh ruh ïa u SE ka J.H.A.D.C u ma Patlong ha kamra treikam jong u.