Shillong, Jymmang : U MDC ka Mawlai konstitwensi u Bah Teiborlang Pathaw u la kular ban pynshna ïa ka jaka saitjaiñ na ka bynta jong ki nong saitjaiñ kiba ju sait ha Wah Umshing, Mawiong Umjapung.
Katkum ki longkmie kiba ju saitjaiñ nong ha ka wah kaba don harum jong ka CHC Mawiong Nengnong-B, ki la ju shem jingeh bha namar ki shu sait harud wah bad ki shem shitom bha khamtam ha ka por ba wan ka umsaw.
Kumta kila ud la nam bad pyntip sha u Bah Teiborlang Pathaw bad khlem pynslem ryngkat bad ki nongpyniaid shnong ula leit ban bishar da la ki khmat ban khmih ïa kane ka jingeh.
Hadien ba la khmih bniah la shem ba ban shna ïa kane ka jaka saitjaiñ ka jinglut kalong kaba bun bha kumta ki longkmie bad ki nongpynïaid shnong kila shim ïa ka rai ban shna shuwa da kaba long ‘temporary’ ne ka ba tang shipor ka ban lut 3-4 Lak tyngka ka pisa.Na ka liang u Rangbah dong u la pynpaw ruh sha ki ba ia don lang ha kane ka jaka da ka ba ong lada phi pynjop ia u Bah Teibor Pathaw ha kane ka ilekshon 2023 phin ïoh da kaba paka.
Kumjuh ruh na ka liang u Bah Teibor u la kular ban pynurlong ïa ka jingthmu bad ka jingangnud ka jong ki bad u kyrmen skhem ruh ba kine ki longkmie kin bha ka kamai kajih na kane ka jaka saitjaiñ.
