Shillong, Naiwieng 05 : Ka National People’s Party (NPP) kaba dei ka party ba ïalam ïa ka sorkar ha ka jylla ka la pynpaw ïa ka jingsngew tikna ba kin ïoh ban ïalam biang ïa ka bor synshar ha Garo Hills Autonomous District Council (GHADC) da kaba buh thong ba kin jop bun ngut bha ha kane ka elekshon MDC kaban sa long.
“Ka thong jongngi ka long beit ban trei shitom bad ban pyntikna ba ka party kan jop bun,” ong u Nongïalam ka Party bad ruh u Symbud Myntri Rangbah ka Jylla, Bah Sniawbhalang Dhar.
Haba kren pat halor ka ishu kaba ïadei bad ka tulop jong ki nongtrei u la ong ba ka jingkynthoh ka don hynrei ka jingshisha pat ka long ba ki nongtrei jong ka GHADC ki la pynpaw ïa ka jingkmen halor ka sienjam kaba stet ba la shim da ka sorkar jylla.
Shuh shuh haba jubab halor ka jingkylli, u Bah Sniawbhalang u la ong ruh ba ka na ka party hi kin kham pyrkhat bad ailad shwa ïa ki MDC ban ïa khun biang ha kane ka elekshon. Hynrei u ong pat ba ka dang kloi than ïa ki ban rai na ka bynta ki kyrtong.
“Kumta, ka jingkylli halor ka jingkynnoh ba ka don ka jingkyntait ban ai tiket kam don nongrim satia,” u la bynrap biang. .
