Shilong, Nohprah 22: Ka Khubor ba la ïoh na ki pulit la ïathuh ba ha ka 17 tarik mynta u bnai ha ka por 5 baje janmiet, uwei u briew uba la ithuh kyrteng da u Shahidul Islam da ka ktien u la ujor ba kila don ki runar bym lah ban ithuh kiba shong ha kawei ka kali kaba don u nombar ML-09A-6433 da ka bor ki la shim ïa ka pisa T. 10,000/- na u ha Edenbari, Tura (WGH).
Ha kawei pat ka jingjia ha ka 17 tarik mynta u bnai ki pulit ki la ïoh ka jingtip ba ka don ka jingïahuri hura hapdeng ki nongtrei jong ka thaiñ Dakopgre, Tura (WGH); halor kane ka jingjia kine ki nongtrei ki la mynsaw bad la pynkit noh ïa ki sha Tura Civil Hospital.
Shuh shuh ki nongshong shnong ka Teporpara ha ka mied jong ka 17 tarik mynta u bnai ki la ïoh ban bat ïa 2 ngut ki briew kiba la ithuh kyrteng Bahman Ali Sheikh ba la 49 snem ka rta bad u Tarirul Islam ba la 27 snem ka rta katba ki dang ot ïa ka jingkieng Zoyash ha ka shnong bad ïa kine ki briew la aiti noh sha ki pulit.
