Mawkyrwat, Lber 04: U MLA Mawsynram Constituency, u bah Ollan Sing Suin u la ai ka jingkitbok ïa baroh ki khynnah bad ki samla pule jong ka Constituency kiba ïa leh ïa ka SSLC bad HSSC Examination mynta u snem 2024.Ha ka kyrwoh khubor, u bah Ollan Sing Suin u la ong ruh ba un dwai ba U Blei Un long ryngkat bad ki, kiba long ki khun ki hajar jong u ba baroh ba kin ïoh ban pass bad ban poi sha ki jingpass kiba sha khmat.
“Wat la ngam lah ban ïa kynduh bad phi iwei pa iwei shim ïa kane ka jingkhublei bad kitbok jong nga ïa phi baroh bad U Blei Un long ryngkat bad phi iwei pa iwei bad phin ïoh ban khet ïa u soh uba thiang jong ka jingjop”, pynkut ka kyrwoh na u bah Ollan Singh Suin, MLA ka 25-Mawsynram Constituency (ST).
