Shillong, Lber 25: Ka Meghalaya Kurash Association (MKA) ka ai ka kitbok kitrwiang ïa ki khynnah ïalehkai Kurash ka jylla kiban leit shim bynta sha ka lympung ïalehkai Kurash kaba la tip kum ka 5th Sub-Junior National Kurash Championships ka ban long ha Dhanbad (Jharkhand) ka ban sdang naduh ka 27 tarik haduh 29 tarik Lber 2022.
Ki hynñiew ngut ki khynnah ïalehkai kiban leit shim bynta ha katei ka lympung ki kynthup ïa ka Haphibansuk Lyngdoh Mawphlang kaban ïakhun ha ka kyrdan jingkhia ba 24kg, u Adriano Lyngdoh Mawphlang (25 kg), ka Cazillia Fenia Lyngdoh Mawphlang (28kg), ka Emiliana Susngi (36 kg), ka Ibalarisha Lyngdoh Nonglait (36kg), ka Esha Mary Nongbri (40kg) nangta u Justin N Marak (55kg), Arun (40 kg) bad Ishu (45 kg).
Ïa kine ki khynnah yn leit synran lang da u Bah Balamphang Kharkongor u National referee ha kajuh ka por kum u coach.
“Ka Meghalaya Kurash Association ka kitbok kitrwiang ïa kine ki khynnah ïalehkai ba kin poi sha ka thong ban wanrah nam bad burom ïa ka jylla baroh kawei,” ong ka kyrwoh na ka Association.
Kine ki khynnah ha ryngkat u coach kin mih mynta ka sngi ka 26 tarik Lber 2022 nala ka jong ka jylla ban leit sha Jharkhand.
