Mawkyrwat, Lber 25: Ka Seng Samla Shnong Mawlangwir (SSSM), South West Khasi Hills District ka ai jingkitbok ïa baroh ki khynnah bad ki samla pule kiba don mynta hapdeng ka jingïaleh ha ki egsam jong ka SSLC bad HSSLC.
Ha kyrwoh khubor, na ka liang ka SSSM ka ai ka jingkyrkhu kyrdoh ïa ki samla pule jong ka shnong Mawlangwir bad kumjuh ruh jong kiwei deki shnong ba kin leh bha ha ka jingïakhun jong ki khnang ba kin ïoh kheit ïa u soh jong ka jingjop.
Ka SSSM ka dwai ruh ba kin ïoh ïa ki met kiba koit ba khiah bad ba U Blei Un don ryngkat lyngba ki egsam baroh kawei.
Ha ka juh ka por, ka People Democratic Front (PDF), South West Khasi Hills District lyngba ka khyrwoh na u President jong ka distrik, bah Kyntiewborlang Nongsiej u ai ka jingkitbok kitrwiang ïa ki khynnah bad ki samla pule jong ka South West Khasi Hills District kiba khreh ban thoh ïa ki exam bapher bapher ba ai ba ka jingpynkhreh jong ki baroh shi snem kan nym long kaba lehnoh ei hynrei ba kin ïoh ban pyndep hok ïa ki baroh ki bynta ba ki kin sa thoh ha ki paper jong ki.
“Ka jingtrei shitom jong ki kan nym long kaba leh noh ei,hynrei ba kin ïoh kheit ïa u soh jingjop ynda dei ka por ban pynmih ïa ka result”, ong ka kyrwoh na u President ka PDF.
