Shillong, Rymphang 13 : Ka Sorkar Pdeng ka la kyntiew kyrdan Indian Administrative Service (IAS) ia 4 ngut ki Ophisar Meghalaya Civil Service (MCS) jongka jylla.
Kine ki saw ngut ki dei I Kong Aitinolin L Mawlong , ka Rikse R Marak, Mary Sonty N Marak bad Kong Ibashisha Mawlong.
Kat kum ka jingpynbna ba la pynmih da ka Under Secretary ka Ministry of Personnel, Public Grievances & Pension (Department of Personnel & Training) ha ka 13 tarik Rymphang, 2026, ïa kine ki Ophisar lah thung ha ki kam ba lait hapdeng ka 1 tarik Kyllalyngkot haduh 31 tarik Nohprah, 2024.
ïa kane ka jingthung la leh hapoh ka Rule 8(1) jong ka IAS (Recruitment) Rules, 1954, pule lang bad ki kyndon ba ïadei jong ka IAS (Appointment by Promotion) Regulations, 1955.
ïa kine ki Ophisar la thung mynta hapoh ka probation tad haduh ban da pynmih da kawei pat ka hukum bad ban pynrung ïa ki hapoh ka Assam-Meghalaya Cadre hapoh ka rule 5(1) jong ka Indian Administrative Service (Cadre) Rules, 1954.
