Shillong, Naitung 20 : Ka Jylla ha ka sngi Balang ka la sakhi ba ki don haduh 102 ngut ki briew kiba ïabit thymmai ïa u khniang jingpang COVID-19 kaba pynlong mynta ïa ka jylla ban don haduh 358 ngut ki nongpang ha baroh kawei ka jylla.
Na kitei ki 102 ngut, haduh 34 ngut ki dei na East Khasi Hills, 36 ngut na West Garo Hills, iwei na East Garo Hills, 5ngut na North Garo Hills, 12 ngut na Ri Bhoi, 8 ngut na South West Garo Hills, bad 6 ngut na West Jaintia.
Ha kane ka sngi ruh la don 16 ngut kiba la koit ba kynthup ïa ki 7 ngut na East Khasi Hills, 2 ngut na North Garo Hills, 6 ngut naWest Garo Hills bad iwei na West Jaintia Hills.
Ka kyrwoh na ka tnad ka Koit ka Khiah ka ong ruh ba ki don haduh 43 ngut ki nongpang kiba don ha ki jaka sumar bad haduh 33 ngut kidei tang na East Khasi Hills.
