Kiew ka Rangdajied ha ka kyrdan ba ar ha ka Shillong Premier League hadien ba pynliem ïa ka Ryntih

Shillong, Nailur 26 : Ka Rangdajied United FC ka la kiew sha ka kyrdan ba ar ha ka miej kheiñ poiñ jong ka lympung ïalehkai OC Blue Shilong Premier League 2021-22 hadien ba ka la pynliem da 4-2 kol ïa ka Ryntih SC ha ka jingïakhun ba khadduh jong kitei ki ar tylli ki team ha ka sngi Nyngkong ha madan MFA Third Ground, Polo, Shillong..
Ha katei ka jingïalehkai u Donboklang Lyngdoh u la thep ar kol ha ka minit ba 45+2, 57, u Niawkorlang Kyndiah u la thep shi kol lyngba ka penalty ha ka minit ba 48 bad u Wansiewdor Nengnong ha ka minit ba 82 kiba la thep na bynta ka kynhun nam jop ka Rangdajied United FC katba ïa ki ar kol na bynta ka Ryntih la thep da u Ebormi Buam ha ka minit ba 25 bad u Sheen Sohktung ha ka minit ba 63.
Da katei ka nam jop ka Rangdajied kaba la kamai 28 poiñ ka Langsning FC kaba don bynta ha ka kyrdan ba lai da kaba kamai 25 poiñ kan hap ban ïakhun tyngeh ban pynliem ïa ka Mawlai SC ban ïoh knieh ïa ka kyrdan ba ar ah ka jingïalehkai kaba khadduh pyrshah ïa katei ka lahduh ha ka sngi Thohdieng (29-09-2022).
Ha ka jingïakhun jong ka kylla kaba nyngkong kata ha ka 25 tarik Jylliew ka Rangdajied United FC ka la pynliem da 1-0 kol ïa ka Ryntih SC.