Kiew ka jingkem briew sha 4 ngut, halor ka jingkhlad noh u dkhot ka ACHIK ha Rajabala

Shillong, K’lyngkot 12: Ki Pulit jong ka West Garo Hills District ha ka mietsngi u Blei kila kem biang sa ïa u wei u briew uba la shah suba donkti ban thombor ïa u Dilseng M Sangma haduh ban da khlad.
Kane ka jingkem ki pulit ïa ki briew kiba la suba donkti ban thombor ha ka janmiet jong ka 9 tarik u Kyllalyngkot, 2026 ha Goalgaon, Rajabala, kala kiew mynta sha ki saw ngu ki briew.
Ïa kane ka jingkem ïa ki briew ba suba donkti la pyntikna da ki tyllong khubor ba ïajan bha bad ki pulit.
Kum ban shu kdew ba ki pulit ha ka 10 tarik u Kyllalyngkot kila kem shwa ïa lai ngut ki briew, tang hadien ka jingjia shah thombor u Dilseng M Sangma.
Na ka liang ki bor pynïaid district jong ka West Garo Hills kila ïatrei lang bad ka tnad Forest na ka bynta ban khynra ïa ki par maw ha ka thain Rajabala bad ha kiwei de ki bynta jong ka district hadien ka jingkhad nog u wei u dkhotjong ka ACHIK.
U Deputy Commissioner ka West Garo Hills District u Vibhor Agarwal u la ong ba un thung ka magisterial inquiry ka ban peit ïa ki par mawbeain ha Rajabala, ha kaba ka jingjia shah thombor kala jia.
“Ngin sa khynra lang bad ka tnad Forest ha kaba ïadei bad ka jinglong jingman jong ki par maw hapoh ka district” u la ong.