Shillong, Jymmang 01: Ka jylla Meghalaya ka la sakhi ïa ka jingkiew ka jingïoh lum khajna haduh 23% naka Good & Services Tax (GST) ba la lum ha u bnai Jymmang 2023.
Ha u bnai Jymamng 2023, ka jylla kala ïoh lum haduh T.214 klur ka khajna lyngba ka GST bad ha u bnai Jymmang 2022 ka jylla kala ïoh lum tang T.174 klur bad kane ka pyni ïa ka jingkiew ka jingïoh lum khajna naka GST haduh 23%.
Ka jingïohlum khajna na ka gross Good & Services Tax (GST) jong u bnai Jymmang 2023 kadei T.1,57,090 klur ha kaba ka CGST kadei T.28,411 klur, ka SGST kadei T.35,828 klur, ka IGST T.81,363 klur (da kheiñ lang T.41,772 bad ïoh lum na ki mar ba wan kit na shabar) bad ka Cess T.11,489 klur (da kheiñ lang T.1,057 klur ba ïoh lum na ki mar ba khaïi shabar).
Ka sorkar kala ai T.35,369 shaka CGST bad T.29,769 klur shaka SGST naka IGST bad baroh ka jingïoh lum ka sorkar pdeng bad ka sorkar jylla jong u bnai Jymmang 2023 ka long T.63,780 klur naka CGST bad T.65,597 klur naka bynta ka SGST.
Ka jingïohlum khajna jong u bnai Jymmang 2023 ka la kiew 12% lada nujor ïa ka GST bal alum ha u juh u bnai ha 2022 bad ha une u juh u bnai ka jingïoh lum khajna naki mar ba wankit na shabar ka kiew 12% bad ka jingïohlum naka jingïakhaïi hapoh ka jylla ka long 11% palat ban ïaka jingïohlum ha u snem 2022.
