Shillong, Ïaïong 01: Ka jylla Meghalaya ka la sakhi ka jingkiew kaba 26 percent ha kaba ïadei bad ka jingïoh lum khajna na ka GST ha u bnai Lber 2025.
Ka khajna GST revenue ka la kot sha ka T. 213 klur ha u bnai Lber 2024 bad ka pisa T. 268 klur ha u Lber 2025, ha kaba ka jingkiew ka la poi sha ka 26%.
La ong ba ka pre-settlement SGST ka la lot T. 607 klur ha ka snem 2023-24 bad T. 646 klur ha ka snem 2024-25, kaba pyni ka jingkiew kaba long 6% katba ka la post-settlement SGST ka la long T. 1,713 klur ha ka snem 2023-24 bad T. 1809 klur ha ka snem 2024-25, kaba pyni ïa ka jingkiew kaba long 6%.
Ka jingdon jong ki GSTINS ha ka 31 tarik u Lber, 2025 ka long 12,486 haba ïadei bad ka jingïoh lum da ka sorkar pdeng ne ka central formation bad kumba 18,699 ha kaba ïadei bad ka jingïoh lum jong ka jylla ne ka state formation.
