Nongstoiñ, Jylliew, 14: Ka Hynñiewtrep Youths Council HYC West Khasi Hills District ha ka jingïalam u samla Lumlang Kharsyiemlieh President bad samla Losbingnel Lyngkhoi, ka la leit ai jingthoh bad ïakynduh ïa u EE WKH Distribution Division MePDCL Nongstoiñ halor ka jingkiew ka Bill Light wat la ka don ka jinglip light (Load Shedding).
Ka seng ka la ong kumno lip light 12 kynta shi sngi lane 5 sngi ha ka shitaiew, hynrei ka Bill ka kajuh. Hooid ka don ka fixed charge hynrei ka Bill ka dei ban duna. Kumno haba ym don light ka Bill ka ïaid beit ong u nongïalam HYC.
Ka seng ka dawa ban ban pynduna bad ki dei ban shna bha nangne shna khmat, namar kane ka ktah ïa ki paitbah bad long kumba lute ïa ka hok ki paitbah. Na ka liang u JE u la ong ba un sa shimkhia ban ïakren ïa kane ka kam.
