Nongstoiñ, Ïaiong 18: Ka Nongstoiñ Butcher & Social Welfare Association ka pyntip sha baroh ki paidbah nongbam doh masi, ba na ka daw ka jingkiew dor palat jong ki masi na jaka thied masi, ka seng kam banse ka hap ban pynkiew noh ïa ka dor doh nangne shakhmat.
U secretary ka synjuk u bah O.N Marbaniang u la ïathuh ba ka dor doh masi kan long noh T.450 shi kilo bad 225 shiteng kilo na ka bynta ka doh masi khleh shyieng. Kane ka jingpynkiew dor kan treikam naduh mynta ka sngi ha baroh kawei ka sor Nongstoiñ. Kumta ka Seng ka kyrpad ïa baroh ki paidbah nongbam doh masi ba kin sngewbha ban ïai shah bad ïatreilang bad ka seng.
