New Delhi, Risaw 13: Ka jingkiew kiba khlem kam khlem jam jong ki rit paid hapoh ka ri India ka la kiew bha naduh u snem 2023-24 bnai Naitung haduh u bnai Jylliew bad kane ka jingkheiñ ka long ha ka shisnem shisnem wat hapdeng ka jingbym kylla ha kane ka jingkiew kiba khlem kam khlem jam ha ka ri kaba long ha ka sien kaba nyngkong ha kine ki san snem.
Napdeng kine ki rit paid, ka jingkiew kiba khlem kam khlem jam ka heh bha hapdeng ki Sikh, ba la pynbud sa ki Christian, kaba kane ka jingkheiñ kadei kaba dangshen kaba la wan na ka Periodic Labour Force Survey (PLFS). Ka jingkiew kiba khlem kam hapdeng ki Sikh ka la kiew na ka 5.1 per cent ha u snem 2022-23 sha ka 5.8 per cent ha u snem 2023-24.
Katba ka jingbym ïohkam ïohjam hapdeng ki Muslim ka la kiew bha na ka 2.4 per cent sha ka 3.2 per cent ha kajuh ka por, ha kaba kane ka la kiew ruh hapdeng ki Christian. Katba ka jingbym ïohkam ïohjam hapdeng ki Hindu, ka la hiar sha ka 0.1 percentage point.
Ka jingkiew kiba khlem kam ka la hiar ïa baroh ki niam ha u snem 2023-24 haba nujor ha ka por shwa ka snem Covid jong u snem 2019-20. Kumba la long ha ka snem shwa ka Covid, ki Muslim ka la hiar ka jingbym ïohkam ïohjam ha ka snem 2023-24 kumjuh.
