Ki briew kiba jur ka jingbankhia hapdeng ka pyrkhat pyrdaiñ, ki jingkhuslai ki don jingma na kajingbym biang ka jingtied jong u klongsnam na ka daw ka jingduna halor ka jinglah ban tuid bha ka snam. Kan nang jur ka jingktah ka stroke bad jingbymtreikam bha u klongsnam. La kam ba ka jingdih dawai kam don jingïadei satia bad ka atrial fibrillation hapdeng kito ki briew kiba don ka jingkhuslai. Ka dei kaba la ju tip ba ka ju don ka jingïadei hapdeng ka jabieng bad u klongsnam. Ka jingkhuslai ka dei kaba pyni dak halor ka jinglah ban ngat ha ka jingpang ba ktah ha ki thiedbah jong u klongsnam bad nangjur katba nangmih ki sngi.
Ka Atrial fibrillation ka dei halor ka jingpaw ka jingthut ka rukom tied jong u klongsnam (arrhythmia). Ka jingkyiuh, ka jinglyngkot ka rukom ring mynsiem, ka jingthait, ka jingpang ka shadem bad long ngiah, ki dei ki dak ba kynrei hapdeng ka jingdon ka Atrial fibrillation. Ka jingdih dawai ka dei kaba paw halor ka jingdon jingïadei hynrei kaba kham ñiar ban sakhi halor ka jingsuki ne thut ka rukom tied jong u klongsnam.
Ki jingbam kiba lah ban pynduna ka jingkhuslai :
Ka jingdih dawai ka long kaba donkam, hynrei ka dei ban sngewthuh bad ki jingbam ki long kiba kongsan na ka bynta ka koit ka khiah ka bor jabieng. Ki jingbam kiba tei bad kiba don ki vitamin bad ki mineral kiba kongsan ki dei kiba lah ban kyntiew halor ka jingmut jingpyrkhat kaba beit.
Ki fat kiba lah ban tei : Ki fat kiba tei kiba ngi lah ban shem kum ha ki soh ehsnep, ka pylleng, ki soh avocado, ka umphniang olib, ka cheese, ki jingbam symbai kiba ym pat dep saiñ bad ki dohkha ki dei kiba kynsai na ka bynta ka koit ka khiah ka bor jabieng bad ki long kiba kongsan halor ka jinglah ban ïakhun pyrshah ka jingkhuslai.
Ki jhur sla jyrngam : Ki jhur kiba riewspah ha ka jingdon ka folate bad ka water-soluble B vitamin ruh ki long kiba donkam ban kynthup napdeng ki jingbam ba phi bam. Ka jingduna ka folate ki dei kiba lah ban paw halor ka jingdon jingïadei bad ki dak jingshitom halor ka jingkhuslai bad ka jingduna ka jingtreikam ki dawai halor ka jingpynduna ka jingkhuslai. U Palong, Tyrso, Phul Jyrngam ki dei napdeng ki jhur sla ba phi lah ban kynthup.
Dih shibun ka um bad kiwei pat ki jingdih : Ka jingpynbiang pylla ki jingbam kiba tei ka long kaba kongsan donkam ban kynthup bun ki jingdih kum ka green tea, ka dud, ka um sohjew. Ka dud ka dei kaba lah ban ai jingmyntoi na ka bynta ka jabieng. Phi lah ban kynthup lang ka jingkhleh ka dud bad ka kait ban pyllait na ka jingkylla ka jingmut ha ka por mynstep. Baroh ar kine ki dei kiba lah ban wallam ka jingaram ha ka jabieng. Ka long ruh kaba donkam ban dih shibun ka um bad dih de ka um sohjew.
Ki soh ba jur ka jingdon ka Antioxidant : Ki soh kum ki soh cherries bad soh grape ki dei kiba dap da ka jingdon ka antioxidants kiba lah ban ai shibun ki jingmyntoi. Ki jingbam ba riewspah ka jingdon ka protein : Ki jingbam kiba riewspah ha ka jingdon ka protein ki dei kiba lah ban kyntiew halor ka jinglong husiar. Ki don napdeng kine kiba kynthup ka jingdon ka amino acid ba la tip kum ka tryptophan, kaba ïarap halor ka jingkyntiew ka jinglong bad lyngba ka jingdon ka chemical ba la tip kum ka serotonin.
Ka Kait : Ka Kait ka dei kaba kyntiew halor ka jingdon ka tryptophan, kiba la ju tip ruh halor ka jingdon ki hormone kiba lah ban ai jingkmen. Phi lah ban bam kumto ne kynthup lang bad ki jingdih hapdeng ba phi lah ban tylliat.
