Kiba aplai ïa ka PRC ki dei kito kiba la shong la sah palat 12 snem hapoh ka district

Khliehriat, Risaw 30 : U Deputy Commissioner East Jaiñtia Hills District, u pynbna paidbah ba kino kino kiba aplai ïa ki syrnot Permanent Residential Certificate (PRC) kin dei tang ïa kito kiba pule Higher Education bad kito kiba donkam ha ki training bad ki dei tang kiba shong ba sah palat ïa ka kat ar snem hapoh ka district bad kiba la rai kut ban shong sah hapoh ka district.
Ïa ki syrnot PRC ki lah ban aplai online lyngba ka website https://megedistrict.gov.in lem bad ki kot ki sal kiba donkam ba kynthup ka EPIC/Aadhaar Card, Birth Certificate, Residential Certificate, ST Certificate, ka dur shiteng, ka Admit Card kaba na skul & College lem bad ka Marksheets, dei ruh ban ai ïa ka Identity bad ka jingpynshisha ïa ka jaka sah lane ka Residential proof jong ki kmie ki kpa.