Shillong, Nailur 22 : Ka Central Puja Committee (CPC) ha ka sngi Palei ka la kyntu ïa ki paidriewngeit ba kin kiar katba lah ban sei ïa ki kali lajong ha ka por ba don ka lehniam Puja khnang ban ym ktah ïa ka dheng kali ha ka nongbah nalor ba ka la jur lypa.
Haba kren bad ki lad pathai khubor, u President ka Puja Committee, Naba Bhattacharjee u la ong, “Kito ki paid riewngeit kiba ju ïaid na kawei ka pandal sha kawei pat ba kin pyndonkam da ki bos saw kiban ïaid haduh 11:30 baje mynmiet nalor ka jaka pynieng kali ruh kaba jynjar.”
Da kaba pyntip ba ka lehniam Puja ha ka jylla kan sdang naduh ka 02tarik haduh ka 04tarik u Risaw, u President ka CPC u la ïathuh ba kumba ju leh, ka jingpyngam ïa ki blei kan long beit kumba ju leh kata ban pynkhuid shwa ban pynngam bad ruh wat hadien ba la dep ka jinglehniam.
U General Secretary ka CPC u JL Das u la ong ba ki don haduh 257 tylli ki Community Durga Puja bad san tylli ki private durga puja ha ka jylla.
