Shillong, Jylliew 13: Ka ophis u Chief Executive Officer, Shillong Municipal Board ka la pyntip ba hapoh ka Section 128 jong ka M.M. Act la bthah ïa baroh ki nongshong shnong kiba hab hapoh ka Shillong Municipal Area ki dei ban ai bad thep kyrteng ïa ki ksew ba ki ri hapoh ka Shillong Municipal Board bad ba kin shim ïa ki dog tag kaba dei ban siew tang T. 250/- (Rupees two hundred and fifty).
La kyntu ïa baroh ki trai jong ki ksew ban pynthikna ba ki ksew ba ki ri kim dei ban ïaid laitlan ha ki jaka paidbah ne ki surok. Lada shem ïa ki ksew kiba khlem pyndait da ki tag yn kheiñ ïa ki kum ki ksew surok bad kan don ka jingpynshitom pyrshah ruh ïa ki trai kaba long katkum ka M.M. act kaba dei ka Municipal Act.
