Nongpoh, Jymmang 12: Ka seng Longkmie Nongpoh Pyllun mynta ka sngi ki la rakhe kyrpang ïa ka sngi ki longkmie ne ka Mother’s Day bad ban ai burom ruh ïa ki longkmie kiba la don ka bynta kaba khraw ban saiñdur ïa ka iing ka sem, ka imlang ka sahlang baroh kawei.
Ha kane ka jingrakhe bala pynlong ha Dorbar Hall, Nongpoh, , ka Kong Rona Khymdeit MDC ka Nongpoh ka la shim bynta kum ka kongsan ha ka jingdon ryngkat u Rangbah Shnong, u Bah Silvester Mynsong, u Assistant Rangbah Shnong, u Bah Bul Lyngdoh, u Bah Plielad Tiewsoh, ka Kong Meristerla Marai kum ka President seng Longkmie Pyllun bad kiwei kiwei longkmie bad riew rangbah na ki dong bapher bapher ka Shnong Nongpoh.
Ha kane ka sngi na ka liang ka Seng Longkmie ka la ai sngewbha ruh ïa ki longkmie kiba la noh ka rta bad kumjuh ruh sha ki longkmie kiba don ka bynta kaba khraw ban nohsynñiang sha ka shnong ka thaw bad ka imlang ka sahlang.
