New Delhi Jymmang 17: Ha kaba ïadei bad ka Operation Sindoor bad ka jingbteng ka jingïakhun ka India pyrshah ïa ki kam lehnoh, hynñiew tylli ki kynhun jong baroh ki seng saiñ pyrthei ki la pynkhreh ban leit sha ki ri ba ïatrei lang bad ka India, bad ki ri ba long dkhot jong ka UN Security Council mynta u bnai.
Kine ki kynhun jong ki seng saiñ pyrthei kin pyni ïa ka jingkut jingmut ka India kum ka ri bad ka rukom treikam kaba skhem jingmut ban ïaleh pyrshah ïa baroh ki jait kam lehnoh. Kin rah sha ka pyrthei ïa ka khubor jong ka jubab kaba khlaiñ jong ka India ha kaba ïadei bad ka jingbym pdiang ïa ki kam lehnoh.
Ki Member of Parliament na ki seng saiñ pyrthei bapher bapher, ki riew pawkhmat ha ki kam saiñ pyrthei, bad ki ophisar kiba peit ïa ki kam kiba ïadei bad kiwei kiwei ki ri kin long ki dkhot jong kine ki kynhun.
Kine harum ki dei ki Member of Parliament ki ban long ki nongïalam jong kine ki kynhun, u Shashi Tharoor, INC, Ravi Shankar Prasad, BJP, Sanjay Kumar Jha, JDU, Baijayant Panda, BJP, Kanimozhi Karunanidhi, DMK, Supriya Sule, NCP, Shrikant Eknath Shinde, Shiv Sena.
